出黎做以来我休息得最耐6日年假，系不知不觉中飞快地过完了，舍不得啊
来让我做个冗长briefing啦，写其中有意义几日就算啦......
首先系911，号召好耐期待已久香江动物游，系4大1小骑呢组合下，风雨无阻地完成下去了!当日时而横风横雨，时而阳光猛晒，动物都少左俾我地睇到，不过有可爱又中意抢镜湿湿予同丁满仲有考拉哥同熊猫哥，遗憾系我地错过左原来系限时参与老虎BB喂奶环节!我唯有寄情大虎喂鸡肉当中啦......一日就就过去了，但累的`物语仍然继续!夜晚相聚经济实惠萨利亚，最紧要多谢文哥帮我地提前轮号等位，起舞有此男友真是幸福!奶姨钉送走湿湿予接来梅州鲲一齐聚餐，最后系烂斤欠从早到夜死缠烂打之下终于结束活动了!
然后系912，系肥潘又老一岁日子，为左隆重地歧视下呢日，我约定了奶姨钉上午一齐去捐血!大家都系400激!其实奶姨钉系打算捐200的后来俾护士姐姐怂恿捐400,露出一副非常唔情愿衰样...捐完血就要同梅州鲲道别了，不知何时再黎广州了...下午轮到一班老表同细佬光临长寿坊黎为我呢个寿头庆祝，表弟今次整左个同我饼印一样蛋糕俾我，但食落去口感真系似个月饼多D，枫哥同大头成好似好多年无见癫佬玩到闹都唔晓停，发烧唔舒服表妹仲送亲手折的星星玫瑰花同一堆绿茶糖俾我，仲有枫哥都包左朵玫瑰花俾我添好正哇.....花絮系公司发的莲香楼EMS送到了，连凡客个快递哥哥都黎送钱俾我贺下我，其实系我要退货退钱姐，飞几次电话俾我约时间先就得，真系辛苦了....入夜继续斤欠黎污染长寿坊，目的系交易我地香江影低的千几张相!敲左我一餐外卖寿司就赵完松了，又一日，我就过左24勾啦!
再后系914，轮到蠢芬牛一，循例飞条短信贺下。呢日我荣幸入去南海桂城住下豪宅，首先系我故邻大蚊子同阿妈一齐出省城---即系广州黎接应我先，游下地旧地---恒宝上下九，购物完一抽二楞战利品返入深山，落车一阵狂风雷暴另我地从头湿到落脚，狼狈踏入豪宅，好正的万锦豪园~~马上享受一轮舒适淋浴，然后一轮饱餐接待，再夜游桂城千灯湖，果度仲有得踩双人单车添!不过太夜无得租了。行左成日脚都痛了再倾下计都磨3到点先训，又一日了!
最后系915，同大蚊子训到黄朝百晏，系桂城大城小厨刷个午餐，系时候讲拜拜返广州了。下次去桂城广佛通左地铁就更方便了，下次要见埋阿妹细蚊子啊!返到广州穷鬼紫色控继续杀去上下九将前日睇中的鞋子带回家，购物满足感过后是一大段惭愧节衣缩食日子啊!
听日就要开工了，大蚊子都要去北师珠注册了，又系有缘珠海....祝顺利开展美好校园生活，我都要努力搏杀我工作了!大家冲啊!!!
哎呀漏左多谢所有记得我生日祝福我牛一同赠送我礼物所有仁兄!Thank U so muchchch~~~~
